دەربارەی مامۆستا ئامانج بەیتەشی
دەربارەی مامۆستا ئامانج بەیتەشی
ناوی سیانی مامۆستا ئامانج فایەق قادر لە گوندی کانی بەیتەش لە ناحیەی سەنگاو لەدایک بوو ئێستا دانیشتوی ناحیەی شۆڕش و قەزای چەمچەماڵە.
پێش نوێژ و وتار خوێنی مزگەوتی قەڵایە لەسەنگاو لەساڵی ٢٠١٣وە بەشێوەیەکی خۆبەخش مامۆستایەکی کۆمەڵایەتی ناسراوە لەکوردستان و پارێزگای سلێمانی و گەرمیان وە لەساڵی) ٢٠١٠ (لەکاری خێرخوازیدا کار دەکات وە لەساڵی ٢٠١٧ کارە خێرخوازیەکانی کرد بە ڕێکخراو بەناوی ڕێکخراوی ماڵی هاوکاران لەگەڵ کۆمەڵێ برای خۆبەخش لە سنوری چەمچەماڵ .
وە لەهەموو سێکتەرەکانی کۆمەڵگا کاری کردوە بەتایبەت لە بواری خێرخوازی و هاوکاری بە کەسانی هەژار گەیاندووە، وەک بەڕێوبەری ڕێکخراوی ماڵی هاوکاران، دەستگیرۆیی زۆر کەس و خێزانی کردووە کە بێ پشتیوان بوون و لە بارودۆخێکی زۆر قورسدا دەژیان.
بەهۆی چالاکی و دەستکەوتەکانی مامۆستا ئامانج، ناوی وەک یەکێک لە خێرخوازە ناسراوەکانی کوردستان هاتووە، لە ڕێگای ڕێكخراوی ماڵی هاوکارانەوە سەدان مزگەوت و خانوو پرد و نەخۆشخانە و قوتابخانەیان دروست کردوە وەیارمەتی سەدان ماڵی هەژاریان داوە ئێستاش سەرقاڵی دەیان پرۆژەی خێرخوازین لەسەرجەم ناوچەکانی هەرێمی کوردستان
